“თამაშობანა” – ქართული თამაშების მწარმოებელი კომპანია

Posted on Posted in პრესა

მარკეტერი თამაშობანაზე.

“თამაშობანა” ქართული თამაშების მწარმოებელი კომპანიაა, რომელიც ორმა მეგობარმა – ნინი ჩიქოვანმა და ნონა სონღულაშვილმა 2015 წლoს სექტემებერში დააარსეს.

„თამაშობანა“ ასწავლის ბავშვებს  თამაშებს, რომლებსაც წინა თაობები თამაშობდნენ, უფროსებს კი ახსენებს საყვარელ აქტივობებს. “ჩვენი მიზანია, ბავშვებმა იგრძნონ თანატოლებთან ურთიერთობის ბედნიერება, იყვნენ ფიზიკურად  აქტიურები. მაგრამ ყველაზე მნიშვნელოვნია, რომ თამაშობანა აერთიანებს თაობებს და  ოჯახებს აძლევს საშუალებას ერთად და მხიარულად გაატარონ დრო.”

tamashobana„მარკეტერი“ გთავაზობთ ინტერვიუს ნინი ჩიქოვანთან და ნონა სონღულაშვილთან, რომლებმაც უფრო ახლოს გაგვაცნეს “თამაშობანა”.

M: რა არის „თამაშობანა“?

„თამაშობანა“ქართული თამაშების მწარმოებელი კომპანიაა, რომელიც  2015 წელს  შეიქმნა. კომპანია  ბავშვებსა და ზრდასრულ ადამიანებს  საგანმანათლებლო და  გასართობ თამაშებს სთავაზობს.

ბავშვობაში, მზის ამოსვლამდე ვხტებოდით ლოგინიდან და თავქუდმოგლეჯილები ჩავრბოდით კიბეებზე, რომ, რაც შეიძლება მალე შევერთებოდით ჩვენს  მეზობელ მეგობრებს და მათთან ერთად გვეთამაშა.

„ამოდი, ისადილე!“-  ეს ფრაზა დასჯასავით ჟღერდა. ამოსულებს, ერთი სული გვქონდა, როდის ჩავირბენდით ისევ და  დაწყებულ თამაშებს დავუბრუნდებოდით.

დღეს სულ უფრო და უფრო იშვიათად ვხედავთ ეზოში მოთამაშე ბავშვებს, ბურთი სხვადასხვა ელექტრონულმა მოწყობილობამ ჩაანაცვლა.

„თამაშობანას“  მისიაა,  ასწავლოს ბავშვებს თამაშები, რომლებითაც  წინა თაობები ერთობოდნენ საქართველოში,  დიდებს კი გაახსენოს საყვარელი თამაშები.  თამაში ხომ ყველა ასაკში აუცილებელია!

Processed with VSCOcam with a6 preset

M: როგორ გაჩნდა „თამაშობანას“ შექმნის იდეა?

ერთხელ, როდესაც მე და ნონა ვისხედით და ვსაუბრობდით, ოთახში პატარა სესილი (ნონას ძმისშვილი) შემოვიდა და  გვთხოვა, მასთან გვეთამაშა. ჩვენ, ჩვენი ბავშვობის „რეზინობანა“  გავიხსენეთ. სესილიმ დიდი ლამაზი თვალებით გაოცებულმა  შემოგვხედა, რადგან არ იცოდა, რა თამაშს ვგულისხმობდით. დავიწყეთ რეზინის ძებნა, მაგრამ  არ აღმოგვაჩნდა. უცებ მივხვდით, რომ, ჯერ ერთი, დღეს ბავშვებს  არც სმენიათ  ეზოსა თუ სახლის ბევრი თამაშის შესახებ, რომლებიც ჩვენს თაობაში იყო გავრცელებული. მეორეც, არც აქვთ შესაძლებლობა,  ითამაშონ: არ არის საჭირო ინვენტარი, გარემო და ხშირად – ადამიანები, რომლებიც დაუჯდებიან და ამ თამაშებს ასწავლიან მათ.

ჰოდა, იმ წამსვე გაჩნდა „თამაშობანას“ იდეა.

თამაშები აერთიანებს ბავშვებს, ასწავლის წესრიგის დაცვას, უწრთობს ნებისყოფასა და ხასიათს, უყალიბებს სიმტკიცეს, დაბრკოლებათა გადალახვის უნარს, ავარჯიშებს, ამხნევებს და რაც მთავარია – აბედნიერებს მათ.

Processed with VSCOcam with a6 preset

M: სად შეიძლება თქვენი პროდუქციის შეძენა ?

1 დეკემბრიდან, ჩვენი თამაშების შეძენა შესაძლებელი იქნება ცხელი ხაზის მეშვეობით, რომელიც ითვალისწინებს თამაშების სახლში უფასოდ მიტანას მთელი ქვეყნის მასშტაბით. ასევე, თამაშები გაიყიდება მაღაზიათა ქსელ „ბიბლუსში“. მოლაპარაკებას ვაწარმოებთ  სათამაშოების მაღაზიათა სხვადასხვა  ქსელთან. მომავალში კი გვექნება  საკუთარი ონლაინ მაღაზია, საიდანაც  ყველა შეძლებს სათამაშოების გამოწერას.

Processed with VSCOcam with a6 preset

M: გაგვიზიარეთ მომავლის გეგმები.

პირველ  ეტაპზე გავიხსენეთ და შევკრიბეთ თამაშები.   ამისთვის ბევრი ბეჭდური თუ ზეპირი  წყარო გამოვიყენეთ. დიდი სიაც შედგა, რომელიც დაიყო სხვადასხვა კატეგორიად – საქართველოს სხვადასხვა რეგიონის თამაშებად, წვიმაში, სახლში, მაგიდის, ეზოს თამაშებად,სხვადასხვა ინვენტარის გამოყენებით – ბურთი, ლახტი, ბანქო… შემდეგ  ამ სიიდან შეირჩა პირველი 10 თამაში, რომლებითაც „თამაშობანა“ გაეცნობა ქართველ მომხმარებელს, დანარჩენები კი ნელ-ნელა შემოემატება.

ეს მოკლევადიანი გეგმაა. რაც შეეხება უფრო შორეულს, გვსურს, გავიტანოთ ჩვენი თამაშები ექსპორტზე, მივიღოთ აქტიური მონაწილეობა სათამაშოების საერთაშორისო  გამოფენებზე, რადგან დარწმუნებულნი ვართ, რომ დიდი პოტენციალი გვაქვს.

 

“თამაშობანა” – ქართული თამაშების მწარმოებელი კომპანია

 

Leave a Reply

Your email address will not be published. Required fields are marked *