ბავშვები უკეთ ვითარდებიან, თუ მათ ძილის წინ მამები უკითხავენ

Posted on Posted in ბლოგი

თამაშობანას ბლოგი მზად არის (:
ჩვენ დავწერთ თამაშებზე და არა მარტო. დავწერთ იმაზე, რაც ჩვენ გვაინტერესებს და რაც თქვენთვის საინტერესო იქნება. ბევრი ავტორიც გვეყოლება, ასე რომ ყველა პოსტს ქვემოთ აუცილებლად ეწერება ავტორის სახელი და გვარი. თქვენ თუ გექნათ სურვილი რომ გახდეთ ავტორი, მოგვწერეთ. თუ გყავთ შვილები, გიყვართ ბავშვები, თამაშები და თვლით რომ გინდათ ამ ყველაფრის გაზიარება, გელოდებით – info@tamashobana.ge

დღეს კი მინდა გაგიზიაროთ ერთი საინტერესო მიგნება, რაც ჰარვარდის უნივერსიტეტის მეცნიერებმა დაადგინეს. ის რომ ბავშვებისთვის ძილის წინ წიგნების კითხვა კარგია, ეგ ჩვენც ვიცით. გარდა იმისა რომ ბავშვს კარგ რამეს ვაჩვევთ, ძილის წინ კითხვას ჩემი გამოცდილებით ძალიან ბევრი პლიუსი აქვს. ჩემ შვილს ვუკითხავ დაბადებიდან. ჯერ რომ არაფერი არ ესმოდა, უკვე ვუკითხავდი. ერთი წლის ასაკიდან ის ყველაზე კარგად ლექსებს აღიქვავდა, რადგან ლექსები რითმულია და სულ რომ აზრი არ ესმოდეს ბავშვს, ეს რითმი მას იტაცებს, აწყნარებს და სიამოვნებს. ორი წლიდან მოთხრობებიც კარგად წავიდა. ინტერესის გარდა, კითხვა ერთგვარი რუტინის ნაწილი იყო. ძილის წინ ბანაობა, კბილების გაწმენდა, პიჟამოს ჩაცმა და, ბოლოს, წიგნის წაკითხვა კონკრეტული მინიშნება იყო ბავშვისთვის – ამ ყველაფერს რომ გავაკეთებთ, ძილის დრო დგება. რუტინა ყოველთვის სასარგებლოა, ბავშვმა ზუსტად იცის წესები, თუ რა და როდის უნდა მოხდეს.

გადავუხვიე თემიდან, მე ხომ ჰარვარდის უნივერსიტეტის მიგნებაზე უნდა დამეწერა. ხო და მეცნიერებმა აღმოაჩინეს, რომ როცა ბავშვებს ძილის წინ მამები უკითხავენ, ისინი უკეთ ვიტარდებიან. ერთი წლის დაკვირვების შედეგად, აღმოჩნდა რომ დედები და მამები სხვა და სხვანაირად უდგებიან წიგნის კითხვას. დედები კითხვის დროს კონკრეტულ კითხვებს სვავენ – ‘რას ხედავ ნახატზე? რამდენი ვაშლია? რა ფერებია?’ მამები კი, აბსტრაქციაში გადადიან. თითქოს წიგნის გარეთ გადიან. ‘ნახე როგორი კიბეა? გახსოვს ასეთი კიბე რომ მქონდა ფარეხში?’ ჩემი საკუთარი მაგალითით ვიმსჯელებ, როცა ჩემ შვილს მამა წიგნს უკითხავს, რამოდენიმე წუთში წიგნის კითხვა გადადის ისტორიებზე ბავშვობიდან, საინტერესო ამბებზე და გამოგონებებზე. ჩემი შვილის ფანტაზია ვითარდება, ის მილიონ სხვა რამეზე იწყებს ფიქრს.

თურმე წიგნის კითხვა დედების ‘მოვალეობათ’ ითვლება, და როცა ამ ‘მოვალეობას’ მამა ასრულებს, ბავშვებს უხარიათ, და უფრო დაკვირვებით და ინტერესით უსმენენ მას.


ნინი ჩიქოვანი
თამაშობანას გუნდის კაპიტანი
nini@tamashobana.ge

Leave a Reply

Your email address will not be published. Required fields are marked *